Isah omwana wa Mariam naboba; “Ewe Nyasaye omulesi wefu, khwishilie eshiakhulia okhurula mwikulu, kho kube omwikhoyo, khubokhuranga nende khubeinyuma, nende eshimanyisio okhurula khiwe, ne okhuwelesie omukabo ne ewe newe omukabi omulayi po.
Mushaf reader · page 127 of 604
5:114–5:120
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Nyasaye naboola; “ Esie nditsa okhubeeshilia , ne owulakhaya niyakhalola kano, nditsa okhumuhelesia eshinyasio shieshili okhuhelesiakho yesiyesi khushialo.
Ne olwa Nyasaye yaboola mbu; “Ewe Isah Omwana wa Mariam newe waboolela abandu mbu bakhukhole ewe nende mamawuwo Nyasaye babili oulali Nyasaye? Isah nabola; “Oluyali nolulwa, watswenukha okhutsokasibwa nende shiosi shiosi. Shikakhaoyela esie okhuboola lilali liatoto tawe, Nendi mbu ndaboola wakhamanyile wamanya kali mushilifu shianje, nasi shemanyile kali mushilifu shishio tawe, Toto newe umanyanga amakhuwa kefisile.
Shindababoolela liosiliosi tawe halali kalia kawanduma” Mulaame Nyasaye, omulesi wanje nende omulesi wenyu” Ne ndali omuloli wabu olwandali mubo, ne olwa wamalisilia ebise bianje, ewe noba omulindi wabu, nawe oli omuloli wabuli eshindu.
“Nekali mbu witsa okhubaha eshinyasio ni abandu bao, Ne nobaleshela, toto ewe newe owamani owamachesi po.
Nyasaye ali bola mbu ; “Ino niyo inyanga eya obwatoto bulibakhoonya obwatoto bwabu; Baliba nende emikunda chiburangamwo emialo, balimenyamo tsinyanga tsiosi, Nyasaye ababelele tsimbabaasi, nabo bamuchamile, okho nikho okhubura okhukhongo.
Ni obwa Nyasaye obwami bwo mwikulu nende khushialo, nende bilimwo, naye ni omunyali wa buli eshindu.
المائدة