Please wait while the requested workspace is prepared.
Mushaf reader · page 115 of 604
Read the protected Arabic beside the current Luhya translation, beneath each āyah, or as a continuous translation page.
Abawulilisinjia obubeyi, abalitsianga ebiasindwa, mana nibakhwitsila, babusilie hakari wabu nohomba olekhane ninabo, Ne nolekhana ninabo, bo shibalakhukhola shiosishiosi tawe. Ne Nobabusilia, obabusilie khubuleng’afu. Toto Nyasaye yachama Abandu Abaleng’afu.
Ne balakhukhola barie ewe okhuba ubabusilia, nabo bali nende Itaurati, Ilimo amalako ka Nyasaye. Mana bakalukhananga imbeli wako. Ne abo shinibokhusuubila tawe.
Toto khweshia Itaurati ilimo obulunjifu nende obulafu, Eya Abarumwa abasilima babusilinjakho abayahudi, nende abasirasoti nende abasomi ne eshichila benyekha okhulinda eshitabu shia Nyasaye. Mana nibaba abaloli khu shio. Kho mularia Abandu tawe, halali murie esie. Ne mulakalukhania tsinyaali tsianje khu bukusi obutiti tawe. Ne balia balabusinjia okhwikhonyela aka Nyasaye yeshia tawe, abo nibo abakhayi.
Ne omo khwabahandichila mbu, omundu khu mundu, imoni khu imoni, eliulu khuliulu, eshirwi khushirwi, elino khulino, ne ilaba okhukhola shinga okholelwe omundu uwumisia owundi. Ne ulia uleshela ilaba eshihanwa khuye. Kho balia balabusinjia nende aka Nyasaye yeshia tawe abo nibo ababii.
