Please wait while the requested workspace is prepared.
Mushaf reader · page 113 of 604
Read the protected Arabic beside the current Luhya translation, beneath each āyah, or as a continuous translation page.
Eshichila ako, nikhuhandichila Abaana ba Israil mbu, “ulia ulera omundu- omunduyo nalerere omundu tawe, nohomba okhukhola obutobela khushialo, alaba shinga wirire Abaandu boosi, ne ulia wonokosia Omundu alishinga uwonokosiye Abaandu boosi. Ne toto Abarumwa befu baboolela nende ebifune bili habulafu. Mana abaanji mubo imbeli wakano nibaba abeyisasia.
Kho omurungo kwa balia bakhupananga nende Nyasaye nende Omurumwa wuwe, nende okhukhola obubii khushialo, ni okhwirwa nohomba okhubambwa nohomba okhutetwa emikhono chiabu nende ebilenje buchikha, nohomba balondwe mushialo esho. Esho ni eshinyasio shiabu khushialo ne mwikulu balinyoola eshinyasio eshikhongo.
Halali balia betsa okhusaba eshileshelo nimushiili okhubatila. Ne manye mbu Nyasaye ni Omunji wokhuleshela neni Omunji Wetsimbabaasi.
Enywe abasuubila, Murie Nyasaye na mukoonye injila yokhumuulilakho, ne mulwane shichila idini yiyie khomunyoole okhubura.
Toto balia bakhaya, babetsanga nende bili mushialo biosi nende ebindi shingabirio kho barusie, kho bakhaya okhunyoola eshinyasio inyanga yeyindukho shibakhachamilwe tawe, ne balinyoola eshinyasio eshilulu.
