Mwakanibwa okhulia Isolo ifwile nende amatsayi, nende inyama yeyimbitsi , nende shisinzilwe shilali okhubeela Nyasaye tawe, nende shifwile khulwokhwimika, nende shifwile khulwokhupwa, nende shifwile khulwa okhukwa, nende shifwile khulwa okhufumurwa olwika , nende sheyisolo yindi ilile shafwa, halali nimunyoola okhushisinza nishishili okhufwa, ne khandi mukanibwa okhulia eshisinzilwe abakholelanga emilukha chilali chia Nyasaye. Ne ni amakayo khwenywe okhwenya okhumanya akefisile khunjila yobufumu. Etso tsiosi nitsimbi. Olwalelo abakhayi bafwa omwoyo mudini yenyu, kho mulabarie tawe, halali murie esie. Olwalelo emalile okhubakasilia idini yenyu nende okhubetsusilia tsimbabaasi tsianje, ne abachamiile obusalamu okhuba idini yenyu. Ne ulia ulomesibwa nende inzala, obulali okhuhenga mumabii tawe, (nalia ebiakanibwa bino) abula eshionono tawe Toto Nyasaye ni omunji wokhuleshela omunji wetsimbabaasi.
Mushaf reader · page 107 of 604
5:3–5:5
Read the protected Arabic beside the current Luhya translation, beneath each āyah, or as a continuous translation page.
Bakhurebanga mbu nishina shia bafuchililwa. Boola bachamilwa buli bilia ebilayi, nende ebiamwechesia tsisolo okhuyima nende amayoni akayimilwe. Mubechesinjia aka Nyasaye yabechesia, kho lie ashiatsibatiilile ne mushisomele elira lia Nyasaye. Ne murie Nyasaye toto Nyasaye ni omwangu wokhubala.
Olwalelo mufuchilililwa ebilayi biosi. Ne ebiakhulia bia balia bahebwa eshitabu bifuchililwa khweywe, ne ebilibwa bienyu bifuchililwa khubo. Ne mufuchililwa okhuteshia abakhasi abalayi mubasuubili nende abakhasi abalayi mubalia abahebwa eshitabu, nimwakhabahelesia omurungo kwabu, mwa boywa ninabo nikka, obulakhola ninabo obwilasi tawe, nohomba okhubabikha tawe. Ne uloba okhusuubila toto oyo ebikhole bibie biakora na ye mwikulu aliba mubandu abasikha.