نوح
28 verses · begins on Mushaf page 570إِنَّآ أَرۡسَلۡنَا نُوحًا إِلَىٰ قَوۡمِهِۦٓ أَنۡ أَنذِرۡ قَوۡمَكَ مِن قَبۡلِ أَن يَأۡتِيَهُمۡ عَذَابٌ أَلِيمٞ
Toto efwe khwaruma Nuh khubandu bebe mbu: “ wikanyilisilie abandubo, eshinyasio eshilulu nishishili okhuboolela.”
قَالَ يَٰقَوۡمِ إِنِّي لَكُمۡ نَذِيرٞ مُّبِينٌ
Naboola mbu: “ Enywe Abandu baanje! esie endi omwikanyilisi wenyu wahabulafu.”
أَنِ ٱعۡبُدُواْ ٱللَّهَ وَٱتَّقُوهُ وَأَطِيعُونِ
Mulaame Nyasaye, ne Mumurie, ne muloonde amalako keke.
يَغۡفِرۡ لَكُم مِّن ذُنُوبِكُمۡ وَيُؤَخِّرۡكُمۡ إِلَىٰٓ أَجَلٖ مُّسَمًّىۚ إِنَّ أَجَلَ ٱللَّهِ إِذَا جَآءَ لَا يُؤَخَّرُۚ لَوۡ كُنتُمۡ تَعۡلَمُونَ
Alabaleshela tsimbi tsienyu, ne alabameta tsinyanga okhula indukho yenyu. Toto indukho ya Nyasaye niyuula yibetsanga yulile. Abaane nimwakhamanyilekhwo!
قَالَ رَبِّ إِنِّي دَعَوۡتُ قَوۡمِي لَيۡلٗا وَنَهَارٗا
Naboola mbu : “ Nyasaye wanje, esie ananjile Abandu banje eshilo nende eshitere.
فَلَمۡ يَزِدۡهُمۡ دُعَآءِيٓ إِلَّا فِرَارٗا
Habula omulaango kwanje shikwabamatela shiosi shiosi tawe halali okhwilukha.
وَإِنِّي كُلَّمَا دَعَوۡتُهُمۡ لِتَغۡفِرَ لَهُمۡ جَعَلُوٓاْ أَصَٰبِعَهُمۡ فِيٓ ءَاذَانِهِمۡ وَٱسۡتَغۡشَوۡاْ ثِيَابَهُمۡ وَأَصَرُّواْ وَٱسۡتَكۡبَرُواْ ٱسۡتِكۡبَارٗا
Ne toto buli olwebalanjile mbu khonyoole okhubaleshela, baara tsinzala tsiabu mumarwi kabu , nibefunikha tsingubo tsiabu nibekhulumamia nibooma emirwe obutinyu muno.
ثُمَّ إِنِّي دَعَوۡتُهُمۡ جِهَارٗا
Mana khandi toto nebalanga mubwang’aang’u.
ثُمَّ إِنِّيٓ أَعۡلَنتُ لَهُمۡ وَأَسۡرَرۡتُ لَهُمۡ إِسۡرَارٗا
Mana khandi nebakhuumila obutinyu, mana khandi nebalaanga masirisi.
فَقُلۡتُ ٱسۡتَغۡفِرُواْ رَبَّكُمۡ إِنَّهُۥ كَانَ غَفَّارٗا
Nemboola mbu: “ sabe eshileshelo Nyasaye wenyu , toto ye ni Omuunji wokhuleshela.”
يُرۡسِلِ ٱلسَّمَآءَ عَلَيۡكُم مِّدۡرَارٗا
Alabarerera ifula ikwe nilondokhana.
وَيُمۡدِدۡكُم بِأَمۡوَٰلٖ وَبَنِينَ وَيَجۡعَل لَّكُمۡ جَنَّٰتٖ وَيَجۡعَل لَّكُمۡ أَنۡهَٰرٗا
Ne alabahelesia Omwandu nende Abaana, ne alabahelesia emikunda nende emialo.
مَّا لَكُمۡ لَا تَرۡجُونَ لِلَّهِ وَقَارٗا
Muli murie amulahetsanga Nyasaye eshiriibwa?
وَقَدۡ خَلَقَكُمۡ أَطۡوَارًا
Ne toto yabaloonga likhabi khulindi.
أَلَمۡ تَرَوۡاْ كَيۡفَ خَلَقَ ٱللَّهُ سَبۡعَ سَمَٰوَٰتٖ طِبَاقٗا
Shimulolanga shingala Nyasaye yalonga amakulu saba nikalondokhaane.
وَجَعَلَ ٱلۡقَمَرَ فِيهِنَّ نُورٗا وَجَعَلَ ٱلشَّمۡسَ سِرَاجٗا
Nakhola omwesi okhubamwo obulafu ne nakhola eliuba okhuba itaa.
وَٱللَّهُ أَنۢبَتَكُم مِّنَ ٱلۡأَرۡضِ نَبَاتٗا
Ne Nyasaye yabamesia khwiloba shinga emimela.
ثُمَّ يُعِيدُكُمۡ فِيهَا وَيُخۡرِجُكُمۡ إِخۡرَاجٗا
Khandi alibakalusiamwo, nekhandi alibarusiamwo mwesi burusia.
وَٱللَّهُ جَعَلَ لَكُمُ ٱلۡأَرۡضَ بِسَاطٗا
Ne Nyasaye wabakholela eshialo okhuba shinga omukeka.
لِّتَسۡلُكُواْ مِنۡهَا سُبُلٗا فِجَاجٗا
Khomunyoole okhucheendamwo khutsinjila tsimbambalifu.
قَالَ نُوحٞ رَّبِّ إِنَّهُمۡ عَصَوۡنِي وَٱتَّبَعُواْ مَن لَّمۡ يَزِدۡهُ مَالُهُۥ وَوَلَدُهُۥٓ إِلَّا خَسَارٗا
Nuhu naboola mbu: “ Nyasaye wanje omulesi, toto bo baakhayile, nibaloonda khu ulia owulametelwakhwo shiosi shiosi khumwandu kukwe nende omwana wuwe halali okhusikha.
وَمَكَرُواْ مَكۡرٗا كُبَّارٗا
Ne nibakhola ebifwanga ebikhongo.
وَقَالُواْ لَا تَذَرُنَّ ءَالِهَتَكُمۡ وَلَا تَذَرُنَّ وَدّٗا وَلَا سُوَاعٗا وَلَا يَغُوثَ وَيَعُوقَ وَنَسۡرٗا
Ne nibaboola mbu: , olalekhakhwo abanyasaye benyu tawe, nohomba olalekhakhwo wada nohomba Suwa,nohomba Yaghutsa nohomba Nasra tawe.
وَقَدۡ أَضَلُّواْ كَثِيرٗاۖ وَلَا تَزِدِ ٱلظَّٰلِمِينَ إِلَّا ضَلَٰلٗا
Netoto bo bamala okhukosia abaanji. ne olabameta balia abonooni halali obukori.
مِّمَّا خَطِيٓـَٰٔتِهِمۡ أُغۡرِقُواْ فَأُدۡخِلُواْ نَارٗا فَلَمۡ يَجِدُواْ لَهُم مِّن دُونِ ٱللَّهِ أَنصَارٗا
Okhurulana nende tsimbi tsiabu berwa namatsi, mana nibenjisibwa mumulilo, neshibanyoola ubahabina owulali Nyasaye tawe.
وَقَالَ نُوحٞ رَّبِّ لَا تَذَرۡ عَلَى ٱلۡأَرۡضِ مِنَ ٱلۡكَٰفِرِينَ دَيَّارًا
Ne Nuhu naboola mbu: “ Nyasaye wanje omulesi, olalekhakhwo khushialo abemenyakhwo yesiyesi mubakhayi tawe.
إِنَّكَ إِن تَذَرۡهُمۡ يُضِلُّواْ عِبَادَكَ وَلَا يَلِدُوٓاْ إِلَّا فَاجِرٗا كَفَّارٗا
Toto Ewe nobalekhakhwo , balakosia abasumba bobo, neshibalebula halali ababonooni abakhayi butswa.
رَّبِّ ٱغۡفِرۡ لِي وَلِوَٰلِدَيَّ وَلِمَن دَخَلَ بَيۡتِيَ مُؤۡمِنٗا وَلِلۡمُؤۡمِنِينَ وَٱلۡمُؤۡمِنَٰتِۖ وَلَا تَزِدِ ٱلظَّٰلِمِينَ إِلَّا تَبَارَۢا
Nyasaye wanje omulesi! undeshele esie nende abebusi banje, nende ulia wenjila munzu yanje omusuubili, nende abo boosi abasuubila abasatsa nende abakhasi. ne olameta abonooni shiosi shiosi tawe halali obukori.