Balia barusinjia nibenyala nende nibali mubutinyu, nende beyikalilanga liruma nende baleshelanga abaandu, Ne Nyasaye yachama abakholi abamalayi.

Balia nibakhola amabii nohomba nibakosela emioyo chiabu betsulila Nyasaye mana nibasaba eshileshelo khutsimbii tsiabu, ne ni wina uleshelanga tsimbi wulali Nyasaye, ne sibatsililanga okhukhola akabakhola nabo nibamanyile tawe.

Abo omurungo kwabu ni obulesheli okhurula khwu Nyasaye wabu omulesi, nende emikunda chiburangamo emialo, balimenyamo tsinyaanga tsiosi, ne ni omulayi muno omurungo kwa bakholi bamalayi.

Imbeli wenyu chiakhabula emilukha eminji, kho chende khushialo mulole indukho yabachayi.

Kano nika obulafu khubandu nende obulunjifu nende amachelo khubalia baria Nyasaye.

Ne mulabongoya, nohomba mlabeelela tawe, toto enywe nenywe bahekulu nikali mbu toto muba abasuubili.

Obubii nibubanyoola manya mbu abaandu bandi abo banyoola obubii shinga obo. Ne etso nitsinyanga tsia khukalukhaninjia mubandu, kho Nyasaye arusiemo abasuubili ne yawule mwinywe abalobole be. Na Nyasaye shiyachama abobubii tawe.