87:16–88:26

Ne obulamu bwo mwikulu nobulayi ne nibwakhatsotso. (obulaliwa tawe.)

Toto kano kali mubitabo bie imbeli.

Ebitabu bia Ibrahim nende Musa.

Koo! Kakhwitsilakhwo amacheni kamasila kalifundesia abandu?

obweni inyanga eyo bulitutuya,

Bukholele emilimo buchonyele.

bulinjila mumulilo kwakhanga

Bulinyesibwa amatsi keyisebele karabachilanga.

shibalinyolamwo eshiakhula tawe halali shiamawa.

si shikhomesia nohomba sishimala inzala tawe.

Inyanga eyo obweni bundi buliba nibunula.

buliba obulekhule khukhukhalabana khwabwo,

baliba mumukunda chioluyali.

Shibaliwulilamwo akeshifwabi tawe.

mukari omo ilimwo isisebele ikhulukusinjia.

ebifumbi bilimwo bie hekulu,

Nende tsigilasi tsiarebwa khulala.

Nende emitoo olunyaali olunyaali,

Nende emikeka chaalwa.

koo! Shibahengangakhwo Ingamia shingala yaloongwa?

Nende shingala likulu lianinibwa?

Nende tsingulu shingala tsiatisibwa hasi?

Nende shingala liloba liakwalasibwa?

kho itsulisia! Katoto ewe oli Omwitsulisia.

Ewe sholi wokhubanichilisia tawe.

halali ulia ukalukha inyuma nakhaya,

kho Nyasaye alimuhelesia eshinyasio eshikhongo po!

Toto khwifwe namakalushilo kabu.

mana isabu yabu ili khwifwe!