Shololangakhwo mbu Nyasaye yamanya biosi bili mwikulu nendu khushialo, shikhwakhaba okhwimoonya khwa bandu bataru tawe halali Nyasaye niwokhune khubo, nohomba khwabane halali ye (Nyasaye) ni wakharano khubo, nohomba babe batiti khubo nohomba abanji khu abo halali ali ninabo, wosiwosi abali, mana alibaboolela kabakholanga inyanga yeyindukho, toto Nyasaye nomumanyi muno wabuli eshindu.
Mushaf reader · page 543 of 604
58:7–58:11
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Shololangakhwo balia bakanibwa okhumoonyana, mana nibakalushila kabakanibwa, ne bamoonyana khumakhuwa kobwonooni nende obusuku, nende akokhumukhaya Omurumwa. Ne nibakhwitsila shibakhushesinjia shingala Nyasaye wuwo akhushesinjia tawe, ne baboolanga mimioyo chiabu mbu: “sichila shina, Nyasaye nalakhwelesia eshinyasio khukakhuboolanga kano?” Mana omulilo kwa jahanam kulibayela, balinjilamwo! Ne ako ni amakalushilo amabii kali karie?
Enywe abasuubila, nimumoonyana mlamoonyana khutsimbi nende obusuku nende okhuloba Omurumwa tawe, mumoonyane khumalayi nende okhuria Nyasaye, Ne murie Nyasaye owamulikhung’asibwa imbeli wuwe.
Toto obumoonyi burula khu shetani, kho asinyisie abasuubila , ne shibulaho shiosi shosi – shinyala shiabawumisia halali khubunyali bwa Nyasaye. Ne Nyasayesa niwabasuubili besiche.
Enywe abasuubila, nimuboolelwa musitanile mubwikhalo, sitilanile, Nyasaye alabahelesia obwiyangu ne nimuboolelwa mbu rule, murule Nyasaye achingulanga balia basuubila mwinywe nende balia basoma mubichelo biawukhane ne Nyasaye amanyile mno kamukholanga.
المجادلة