Toto biala balasuubilanga mwikulu tawe balanganga Abamalaika amera keshikhasi.
Mushaf reader · page 527 of 604
53:27–53:44
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne babula shiabamanyile khwako, balondangasa amaparo, ne toto okhuparirisia shikhukhoonyanga shiosi shiosi kubwatoto tawe.
Lekhana nende ulia uhelesia omukongo ametsulisio kefu, ne shiyenya shosishosi halali obulamu bwokhushialo.
Awo naboolela khubumanyi, toto Nyasaye wuwo niye umanyile mno ulia wakora khunjila ye, naye amanyile po ulia walunjikha.
Ne nibia Nyasaye biosi bili mwikulu nende mushialo; kho abarunge betsimbi khukabakholanga ne abakhola amalayi abarunge obulayi.
Balia beikalilanga okhukhola ebionono ebikhongo nende akeshifwabi, halali orukosa orutiti titi, Toto Nyasaye wuwo obulesheli bwe nobuunji, Ye abamanyile muno, olwa yabaloonga okhurula khuliloba , nende ngamwali mutsinda tsia banyinenywe, kho muleelole tawe, Ye amanyile muno owamuria.
Koo! Walolakhwo ulia ufutariranga?
Nayinia shitutu mana niyemana.
koo akhali nende obumanji khu kefisile, mana alolanga?
Nohomba shiyakanilwakhwo khukali mubitabu bia Musa.
Nende Ibrahim wosia indache?
Mbu Omundu shalichinga tsimbi tsiowashie tawe?
Ne omundu shalinyoola halali kalia kayakhola.
Ne toto ebikhole bibie bililolekha.
Mana alirungwa omurungo kukwe kwosi.
Ne toto khu Nyasaye wuwo na akaliwela.
Ne toto niye ureranga okhutsekha nende okhulila.
Naye toto niye owufwisinjia nende ulamusinjia.
النجم