48:1–48:9

Kho Nyasaye akhuleshele ebionono bibio biawaranjilila nende biawamalilikha, ne akhwitsusilie tsimbabaasi tsitsie, ne akhulunjisie khu injila ilunjifu.

Ne Nyasaye akhuhabine obuhabini bwa amani .

Niye weshia obuyeenzefu mumioyo chia basuubili kho anyoole okhubameeta obusuubili hekulu wobusuubili bwabu, ne omukaanda kabalwani bo mwikulu nende bo khushialo ni kwa Nyasaye, ne Nyasaye niye Omumanyi Owamachesi muno.

Kho yenjisie abasuubili Abasatsa Nabakhasi mwikulu mumikunda chiburangamwo emialo, balimenyamwo thsinyanga tsiosi, mana abaleshele tsimbi tsiabu, ne okho imbeli waNyasaye nikho okhubura okhukhongo.

Ne abahelesie eshinyasio abeshikhabili, abasatsa nabakhasi,nende abatsokasinjia Nyasaye abasatsa nabakhasi abapariranga Nyasaye amaparo amabii, kuliboolela omukalukhano omubii, Ne Nyasaye yabasinyishila, mana nabatsuba, nenabarecheshela omulilo kwa Jahannam, ne ni amakalushilo amabii muno.

Abalwani beliyie bo mwikulu nende bomushialo ni baNyasaye ne Nyasaye Niwamani Owamachesi muno.

Toto efwe khwakhuruma obe Omuloli, Omusubisia, Omwikanyilisi.

Kho musuubile Nyasaye nende omurumwa wuwe, ne mumukhoonye, ne mumwe eshiribwa, ne mwitsomie Nyasaye itsuli ne ingolobe.