Toto abetsimbi baliba mushinyasio shia Jahannam tsinyanga tsioosi.
Mushaf reader · page 495 of 604
43:74–43:89
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Shibalihulusibwa khushinyasio esho tawe,ne omo baliwesiakhwo omwoyo.(okhurulamwo)
Ne shikhwabakholela amabii tawe halali boo abeene nibo bali abamabii.
Ne balikhupa oluyoka nibalanga: “ewe Malik! Bolela Nyasaye wuwo akhufwisie “ naye alibaboolela mbu: “enywe toto omo butswa nimwamulamenya.”
Toto khwabetsela nende obwatoto halali obunji bwenyu mwali mwakhaya obwatoto.
Nohomba babusia likhuwa liabu, ne toto nefwe babusinjia.
Nohomba baparanga mbu efwe shikhuwulilanga akobwifisi nende kokhumonyana kabu tawe? Eeh tawe, Abarumwa befu bali ninabo bahandikanga kabakholanga.
Boola mbu: “ Nyasaye abetsanga nende omwana nesie wakhabeele weyimbeli okhumulaama.”
Ni woluyali Nyasaye omulesi welikulu nende eshialo, Nyasaye omulesi weshisaala, khu koosi kabamureetsangakhwo.
Ne baleshe bakoyaane nibabaya okhula shinga balinyoolana nende inyanga yabalakwa.
Naye niye Nyasaye uli mwikulu nende Nyasaye uli mushialo naye niye Omuchesi Omumanyi muno.
Ni woluyali ulia owuli nobwami bwomwikulu nende mushialo nende bioosi bilimwo, ne niye uli nobunanyi bwebise bieyindukho ne ewuwe ni amulikalusibwa.
Ne abamulaamanga abalali ye babula obunyali bwokhubasabila omundu eshileshelo. Halali ulia wobuloli bwatoto nabo bamanya.
Nenobareeba mbu niwina wabaloongabo, ? toto bweene balaboola mbu ni: “ Nyasaye” kho ni hena abakalukhanibungwa?
Ne okhuboola khukhwe (omurumwa) ni mbu : “Nyasaye wanje omulesi bano ni abandu balasuubila tawe.”
Baleshele ne obaboolele amakhuwa komuleembe. Baliitsa okhumanya!
الزخرف