Mana naloonga “ amakulu saba” khutsinyanga tsibili, mana nahana buli likulu akalio, mana nikhurona likulu lieshialo khu tsitaa(tsing’ining’ini) tsiobulindi, esho nishio eshichelo shia Nyasaye Owamani Omumanyi muno.
Mushaf reader · page 478 of 604
41:12–41:20
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne nibalakabukulamwo oluchendo tawe, boola mbu: “ Ebekanyisilia eshinyasio sholuyoka shinga shiali sha A’ad nende Thamudi.
Olwa betselwa nende Abarumwa okhurula imbeli wabu nende inyuma wabu, nibaboolelwa mbu: “ mulalame shiosishiosi tawe halali Nyasaye.” nibaboola mbu: “ Nyasaye wefu alenya yakharumile Abamalaika, kho toto efwe khukamwarumwa ninako ako khukhayile.”
Mana abandu ba A’ad, Bali abafuru khushialo munjila ilali yatoto tawe, mana nibaboola mbu: “ wina ushila efwe amaani ? “ shibalolanga mbu Nyasaye wabaloonga ali namaani okhubashila, Ne bakhayanga ebimanyisio biefu.
Mana nikhubarumila omuyeka kweyimbumbuyeka, khutsinyanga tsiamasila, kho banyoole okhupila eshinyasio shokhubafulafusia, mubulamu bwokhushialo, ni eshinyasio shie indukho ni shokhufulafusia okhukhongo okhushila, Nabo shibalihabinwa tawe.
Ne abandu ba Thamudi khwabalunjisia halali nibachama obuwofu okhwshila obulunjifu, mana omulilo kweshinyasio sheshifulafusio, nikubabukula khu kalia kabakholanga.
Mana nikhuhabina abasuubila abali nibaria Nyasaye mubo.
Ne inyanga yabasuku ba Nyasaye balikhung’asibwa mumulilo, nibakabulwa mumikanda chaukhane.
Olwa balikuulakhwo (omulilo oko), amarwi kabu nende tsimoni tsiabu nende amaseelo kabu bilirusia obuloli khu koosi pe kabakholanga.
فصلت