Halali abakhayi bali mukhwilola nende obuyingani.

Ni emikanda chinga chiakhwasishia imbeli wabu niboopa obuyoka , ne ebise biokhuwonibwa biali biburire.

Ne bawuka mbu omwikanyilisi okhurula mubo okhubeetsela , mana nibaboola mbu: “uno ni Omulosi Omubeyi.”

Eh… akholele abanyasaye okhuba Nyasaye mulala yenyene! Toto kano ni amakhuwa khokhuwuchisia.

Mana abakhongo babu nibarula nibababoolela mbu:,” mutsie mana mutinyesa khubanyasaye benyu, toto endio nilwakenyekhana.”

Efwe shikhwawulilkhwo kano mushima shiefu shiokhumalilikha tawe, ne kano shineshindu tawe halali ni obuchishi butswa.

Mbu niye butswa weshilibwa amekanyilisio mwifwe. Halali abo bali nende eshibeyibeyi khu amekanyilisio kanje, ne mana bashili okhupila eshinyasio shianje.

Nohomba bali nende ebiachi bietsimbabaasi tsa Nyasaye wuwo Omulesi, owa amaani khakaba?

Nohomba bo bali nende obwami bwomwikulu nende khushialo nende ebili hakari wabio? Khomana banine tsinjila tsokhutsia eyo.

Oko niko umukanda kwabalwani kulishilwa mumikanda chilia chilishilwa.

Bayingana inyuma wabu abandu ba Nuhu, nende babu A’di nende Firauni owali nebiumbashe.

Nende Thamud nende abandu Ba Luti nende abandu bomumutsuru. Echo nichio emikanda.

Abo boosi bayingasia Abarumwa mana nibakhoyeshela eshinyasio.

Ne bano shiabalindangasa ni oluyoka lulalasa olulali ehale tawe.

Nabo baboola mbu : “Nyasaye wefu Omulesi khurerere eshinyasio shiefu inyanga yeyindukho nishili okhuula.”