Nikhumulaanga mbu : “ewe Ibrahim!”

Omalile okhukhola habweni khumaloro ako, toto endio nilwakhurunganga abakholi bamalayi.

Toto kano ni amatemo kali habulafu.

Mana nikhumuhelesia eshisinzo shioluyali.

Mana nikhuleshela ifuma indayi khubetsa inyuma.

Omulembe kube khu Ibrahim.

Endio nilwakhurunganga abakholi bamalayi.

Toto ye ali mubasumba befu abasuubili.

Ne nikhumusuubisia okhwibulwa khwa Is’haaq, naye ni Omurumwa womubandu abalayi.

Mana nikhumuhelesia tsimbabaasi ye nende is’haaq. Ne mulwibulo lwabu nibarulamwo abaandu abalayi nende balia bakhola amabii khumioyo chiabu habulafu.

Netoto khwakholela obulayi Musa nende Harun.

Nikhumuhabina halala nende abandu babu okhurulana nende obutinyu obukhongo.

Mana nikhubahabina nibaba nibo abashila.

Ne nikhuhelesia babili abo eshitabu shinosinjia.

Mana nikhubalunjisia khunjila ingololofu.

Mana nikhubaleshela ifuma indayi khubalia betsa inyuma wabu.

Omuleembe kube khu Musa nende Harun.

Toto endio nilwakhurunganga balia abalayi.

Toto babili abo bali mubasumba befu abalayi.

Ne toto Elyas yali mubarumwa.

Olwa yaboolela abandu bebe mbu: “shimuritsanga tawe?”

Mulaamanga baal ne mulekha omuloonji mwene.?

Nyasaye omulesi wenyu nende wa bapapa benyu bakhale.