Netoto khwahelesia Luquman amachesi, nikhumuboolela mbu: khupila Nyasaye orio muno, ni ulia witsa ukhupa orio, oyo oba akhupilanga khululwe omwene, ne ulia ukhaya ne Nayasaye ni omuyinda owitsomibwa.
Mushaf reader · page 412 of 604
31:12–31:19
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Olwa Luqman yaboolela omusiani wuwe, namuhelesinjia amachelo, mbu: “Ewe mwanawanje, olatsokaasia Nyasaye tawe, shichila toto okhutsokasia ni obwononi obukhongo.”
Ne khwachelela omundu khubebusi bebe, Nyina mwana yamuchinga khubusandi nobunyakhani, ne okhumuleshesia okhununa ni emika chibili, mbu khupila orio esie nende abebusi bo, ne amakalishilo kenyu ni khwisie.
Ne nibakhunichilisia okhunzokasia nende kalia kobula ninako obumanyi, alabawulila tawe, halali menya ninabo khubulayi ne oloonde injila yabalia abanzitsangakhwo, mana ewanje ni amulikalusibwa ne ndilibaboolela akamwakholanga.
Ewe mwanawanje, toto likhuwa liosi liosi kata nilili shinga obusiro bwo yinyuma yolule, kata nilili mulukulu nohomba mwikulu nohomba khushialo, Nyasaye alilirera, toto Nyasaye ni omuchesi muno wamakhuwa kefisile uli nende obumanyi bwakoosi.
Ewe mwanawanje: “lumilila okhulaama(Iswalah) ne olomesie amalayi ne okanie amabii, ne wifwile khukalia akalakhunyoola, toto ako ni amakhuwa kakhoyeshele okhuloondwa.”
Ne ulahenga abandu neshileka tawe, ne olachenda khushialo nende isunga tawe, toto Nyasaye shiyachama buli ulia weshileka owilolanga tawe.
Ne otile okhuchenda khwahakari, ne wishie hasi omwoyo kukwo, toto omwoyo kweyi sishili nikwo omubii muno okhushila emioyo chiosi.
لقمان