Ne balia abakhaya mana nibayingasia tsinyali tsiefu, nende okhukhung’ana khwomwikulu, abo balikhung’asibwa khushinyasio.
Mushaf reader · page 406 of 604
30:16–30:24
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Kho mwitsoomie Nyasaye olwa mwinjila mubise bieshialo nende shingala mwinjila ebise bwomumabwibwi.
Ne ali noluyali lwosi mwikulu nende khushialo nende (mumwitsomie) ebise bieyingolobe nende ebise bieshitere.
Arusinjia eshilamu okhurula mushafwa, ne arusia eshiafwa mushilamu, ne alamusinjia liloba nilimalile okhufwa khwalio, ne endio nilwamulilamusibwa.
Ne mubimanyisio bibie ni okhubalonga okhurula khwilaba, mana nimuba abandu basaalananga.
Ne mubimanyisio bibie ni mbu yabaloonjela abakhasi benyu okhurulana ninanyu, mbu khomunyoole obwihotselefu khubo, mana nabakholela obuyanzi nende tsimbabaasi hakari wenyu. Toto mukano khuli nende ameeko khubandu baparanga.
Ne mubimanyisio bibie ni okhuloonga likulu nende eshialo, nende okhukabukhana tsinimi tsienyu nende obukoondo bwenyu, toto mukano khulimwo nende abimanyisio khubandu abamanyi.
Ne mubimanyisio bibie ni okhukona khwenyu eshilo nende (okhubukha) Eshitere nende okhukoonya khwenyu tsimbabaasi tsitsie. Toto mukano khulimwo nende ebimanyisio khubandu bawulilanga.
Ne mubimanyisio bibie ni okhubalolosilia okhumiesukha khwelikulu (nikhuburamo) oburi nende okhubawa omwayo (kweyifula okhukwa) nende okhwishia amatsi okhurula mwikulu, mana nakalamusilia liloba nilimalilenje okhufwa, toto mukano khulimwo nende eshimanyisio khubandu bekhonyelanga obwongo.
الروم