Nyasaye akalukhaninjia eshilo nende shitere toto mu ako khulimwo nende eshimanyisio khubandu abamachesi.
Mushaf reader · page 356 of 604
24:44–24:53
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne Nyasaye yaloonga buli isolo okhurulana nende amatsi, etsindi tsiatsio tsichendelanga inda yatsio, ne etsindi tsichendelanga amakulu kabili, ne etsindi natsio tsichendelanga amakulu kane, Nyasaye aloonganga shiayienya toto Nyasaye ni omunyali wabuli eshindu.
Toto khweshia tsinyaali etsinoosinjia ne Nyasaye alunjisinjia owayenya khunjila ilunjifu.
Ne baboolanga mbu: “ khusuubile Nyasaye nende omurumwa, ne khuwulile” mana abandi mubo imbeli wakano bakakhayanga, ne abo shibali basuubila tawe.
Ne nibalangwa khu Nyasaye nende omurumwa wuwe kho ababusilie hakari wabu, abaandi mubo bakhayanga ako.
Ne Nibali mbu nibo bali khubwatoto , bamwitsilanga lwangu nibehotselesiye.
Koo bali nende obulwale mumioyo chiabu , nohomba bali nende tsinganakani nohomba baritsanga mbu Nyasaye nende omurumwa wuwe balabakholela obubii! Halali abo nibo ababii.
Likhuwa eliabasuubili olwa balangwa khu Nyasaye nende omurumwa wuwe kho ababusilie hakari wabu, halali baboole mbu: “khuwulile ne khuchamile.” Ne abo nibo balibura.
Ne balia bawulila Nyasaye nende omurumwa wuwe mana nibelesia oluyali Nyasaye nende okhumuria , abo nibo bokhubura.
Ne betsubanga khulira lia Nyasaye, okhwitsuba khwabu okhukhongo mbu nobalomesia (okhurula okhutsia liyie) toto bo balarula. Boola mbu : “ muletsuba tawe, okhuwulila khwenyu khwamanyikhana. Toto Nyasaye amanyile muno akamukholanga.”
النور