Baliboola mbu; “Nyasaye wefu omulesi, obubii bwefu bwakhuyinga muno, mana nikhuba abandu abakori.

Nyasaye wefu Omulesi khurusie mumulilo kuno,(okhukalusie khushialo khukhole amalayi,) nenikhukalushila khandi khulaba ababii.

Aliboola mbu; “Nyiremwo tsi!! Nemulalomialomia tawe.”

Toto omukanda kwaliwo kwabasumba banje, kwaboolanga mbu; “Nyasaye wefu khusuubile, kho khuleshele ebionono biefu, ne okhubeele tsimbabaasi nawe newe Owetsimbabaasi okhushila boosi.”

Mana nimubakholela amachayo, mana okhula shinga babakoyania okhunzitsulila, nemwabatsekhanga.

Toto esie abarunjile inyanga yino khulwa okhwifila khwabu, abo nibo abalibura.

Aliboola mbu; “Mwekhala ebise biyela birie khushialo, khukhubala khwemika?”

Baliboola mbu; “khwekhalamwo inyanga ndala nohomba ebise muyinyanga, kho reba balia ababalanga.

Aliboola mbu; “Enywe shimwekhalamwo halali ebise bititi butswa, mumanyakhwo!.”

Koo! Muparanga mbu khwabaloonga eshikhayasa, ne mbu enywe shimulikalusibwa khwifwe tawe?

Niwoluyali Nyasaye Omwami watoto, abulaho ulaamungwa khubwatoto halali ye, Nyasaye weshisala shioluyali.

Ne ulia ulaamanga halala nende Nyasaye, Nyasaye wundi, ye abula eshifune okhukhola ario, ne toto isabu yiyie ili khu Nyasaye wuwe Omulesi. netoto abakhayi shibalibura tawe.

Ne boola mbu; “Nyasaye wanje! Leshela ne obeele tsimbabaasi, newe toto omulayi wababeeli betsimbabaasi.