Please wait while the requested workspace is prepared.
Mushaf reader · page 34 of 604
Read the protected Arabic beside the current Luhya translation, beneath each āyah, or as a continuous translation page.
Mwalomesibwa okhulwana liyie, (okhulwanila idini) nalo nilikhuwa lisiro khwinywe, ne munyala okhukhaya eshindu nasho nishili eshilayi khwinywe, ne munyala okhuchama eshindu nasho ni eshibi khwinywe, ne Nyasaye numanyile ne enywe shimumanyile tawe.
Bakhurebanga okhulwana mumwesi omutakatifu, boola; “okhulwana mumiesi omutakatifu ni amabii amakhongo, ne okhwikalila abandu khudini ya Nyasaye nende okhukhaya Nyasaye, nende okhwikalila abandu khu musikiti omutakatifu oko, nende okhurusiamo abandu balimo ni obwonooni obukhoongo imbeli wo Nyasaye. Ne okhwikalila abandu khu dini yabu nobubii muno okhushila okhwira, Ne sibalalekha okhulwana ninanyuu okhuula babarusie khudini yenyu, nikali mbu banyala, Ne balilekha idini yabu mwenywe, mana bafwa nibali abakhayi, Abo nibo bebikhole biabu biabiyibwa khushialo nende mwikulu. Ne abo nibo abandu bomumulilo, balimenyamo tsinyanga tsiosi.
Toto balia basubila nende balia bawuya mana nibalwana khunjila ya Nyasaye, abo balindanga tsimbabaasi tsia Nyasaye, ne Nyasaye Nomulesheli owobukoosia.
Bakhurebanga amalwa nende okhubaya isimbi, Boola mbu; “khulimo nende obubii obukhongo nende obukhonyi khubandu, ne obubi bwabio nobukhongo muno okhushila obukhonyi bwabio. Ne bakhurebanga mbu nishina shiabarusia? Boola; “eshiburirire” endio nilwa Nyasaye amufunulila tsinyali tsitsie kho munyoole okhupara.
