Ne bakhuyungubasinjia mbu orere eshinyasio, halali Nyasaye shalafunaka indache yiyie tawe. Ne toto inyanga ewa Nyasaye wuwo ili shinga emika iyelefu shingala enywe mubalanga.
Mushaf reader · page 338 of 604
22:47–22:55
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne tsingongo tsinga tsiandahelesia ebise, natsio nitsikholanga amabii, mana netsira mumukhono,ne ewanje niwo omakalushilo.
Boola mbu: “enywe abandu esie endisa omwikanyilisi wenyu owahabulafu”
Kho balia basubila mana nibakhola ebikhole ebilayi balinyoola obulesheli nende omukabo kweshiroonyo.
Ne balia betinyinjia okhuyingasia ebimanyisio biefu abo nibo abandu bomumulilo.
Ne shikhwarumakhwo imbeli wuwo Omurumwa Owahelesibwa eshitabu nohomba omunabii -ulahelesibwa eshitabu, halali olwa asoma, shetani eretsanga obutswatswani mumasomo ako. Halali Nyasaye arusinjia akashetani aretsangamwo, mana Nyasaye atinyisinjia tsinyaali tsitsie , ne Nyasaye ni owaamani owamachesi muno.
Kho akhole kalia akashetani aretsangamwo okhuba amatemo khubalia abali nende obulwale mumioyo chiabu, nende balia abemioyo chiabu chioma. Netoto abamabii bali mubukabukhani obwahale.
Ne mbu khobamanye balia abahebwa obumanyi mbu ni obwatoto okhurula khu Nyasaye wuwo ne babusubile. Ne khulwa okhwihotselesia khuye emioyo chiabu. Ne toto Nyasaye niye ulunjisinjia balia abasubila khunjila ilunjifu.
Ne abakhayi balatsilila okhuba nende eshibeyibeyi khulwa elo(liawetsa nalio) okhuula shinga indukho iliboolela nohomba ibetsele inyanga ingumba, ibula obulayi bwosi bwosi.
الحج