Ne endi nilwakhwayishia (Ikurani) tsinyaali tsinoosia amakhuwa kali habulafu, ne toto Nyasaye alunjisinjia owayenya.
Mushaf reader · page 334 of 604
22:16–22:23
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Toto balia abasuubila nende balia abayahudi , nende abasabai, nende abakiristo, nende abajusi nende abatsokaasia Nyasaye, toto Nyasaye alibusia hakari wabu inyanga yeyindukho,toto Nyasaye nomuloli wabuli eshindu.
Koo shololangakhwo mbu binamilanga Nyasaye buli shili mwikulu nende khushialo, nende eliuba nende omwesi nende tsing’ining’ini nende tsingulu nende emisala nende tsisolo nende abaanji mubandu? Ne abaanji bakhoyeshela eshinyasio. Ne ulia wa Nyasaye atutuyia abulaho umuhelesia eshiribwa. Toto Nyasaye akholanga shingala yenya.
Babili bano bafunanilanga shichila Nyasaye wabu. Kho balia bakhaya balitetelwa tsingubo tsiomulilo, ne baliyombolwa hekulu we mirwe chiabu amatsi karabachilanga.
Khumatsi ako, kalisalulusia ebili munda mwabu nende likhoba liomubili kwabu lioosi.
Ne balinyoola tsindabushi tsiebichuma.
Buli olwabalienya okhurulamwo shichila obululu balikalusibwa mwo butswa , baliboolelwa mbu: “ mupile eshinyasio shiokhuyia”
Toto Nyasaye alinjisia balia basubila mana nibakhola amalayi mumikunda chiburanga hasi wachio amatsi. Balifwalamwo ebirone biokhumikhono ebie idhahabu nende ebisole (lulu) ne ebifwalo biabu biliba bia hariri.(ebirerere bimesamesa)
الحج