Boola mbu: “Esie ebekanyilisinjia khubufimbuli. Ne abatimbe shibawulilanga omulango nibekanyilisibwa tawe.”
Mushaf reader · page 326 of 604
21:45–21:57
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne batilungwa nende eshikhupo shilala butswa shie shinyasio shia Nyasaye wuwo, toto bakhaboolele Mbu: ”Eee baane efwe, toto khubeele abandu ababii.”
Nafu khuliraho ebichelo biobuleng’afu inyanga yeyindukho, ne omundu yesiyesi shalikholelwa obubii kata hatiti tawe, kata likhuwa elo nilili nende obusiro obutiti shinga olufwa lwa khardal, nafu khuyela okhuba abamanyi bokhubala.
Netoto khwahelesia Musa nende Haruni eshiawukhasia nende obulafu nende amebaalo khubalia baria Nyasaye.
Balia baritsanga Nyasaye wabu khukefisile, ne bo khandi baritsanga inyanga yeyindukho.
Ne buno ni obwitsulisio bwetsimbabaasi obwakhwabeshilia. Kho enywe mubwikananga?
Netoto khwahelesia Ibrahim obulunjifu bubwe khale awo, nekhwali khwamumanya muno.
Olwa yaboolela samwana nende abaandu bebe mbu: “Ni shina ebifwanani bino ebia mwikhalilanga ebise biosi (okhubilaama)?”
Nibaboola mbu: “ khwanyoola bapapa befu nibabilaamanga.(kho mana fwesi khubilamanga).”
Naboola mbu: “Toto enywe nende basenywe mwali mubukori obuli habulafu.”
Nibaboola mbu: ”Koo okhwitsile khubwatoto nohomba oli mubalia bakholanga emibayo?”
Naboola mbu:”(shikalli kario tawe) halali Nyasaye wenyu ni ulia omwene likulu nende eshialo neniye owabiloonga. Nasi endi mulala khubaloli bakano.”
Ne nditsuba khu Nyasaye mbu nditsa okhukhola eshifwanga khu ebifwanani bienyu bino nimwakhamala okhufutarira okhutsia.
الأنبياء