Ne balekhanga Nyasaye nibalaama abalakhabahelesia omukabo kwosikwosi tawe, okhurula mwikulu nohomba khushialo ne babula obunyali bwa shiosi shiosi tawe.
Mushaf reader · page 275 of 604
16:73–16:79
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Mulachelasia Nyasaye tawe. Toto Nyasaye yamanya nanyu shimumanyile tawe.
Nyasaye abachelasilia abasatsa babili, mulala khubo ni omusumba omurumwa owuli hasi womwami wuwe, owulanyala shiosi shiosi tawe; nende ulia owakhwakaba omukabo kurula khwifwe, mana naye arusinjia khumukabo oko mubwifisi nende mubwang'ang'u, koo bakhaba nashilala? Ifuma yoosi ni ya Nyasaye halali abanji mubo shibamanyile tawe.
Ne Nyasaye abachelasilia abandu babili, mulala wabu ni omutimbe shanyala shiosishiosi tawe, naye ni omusiko khumwami wuwe, wosi wosi amulinjisia sharera obulayi bwosibwosi tawe, Koo uno yakhaba nashilala nende ulia ulomesinjia obulunjifu, naye nali khunjila ilunjifu?
Ne kalikhu Nyasaye sa, akalalolekha komwikulu nende kokhushialo, ni likhuwa lieyindukho lilisa shinga okhumotia motia tsimoni, nohomba ni ahambi muno. Toto Nyasaye nomunyala wabuli eshindu.
Nyasaye yabarusia mutsinda tsiabanyinenywe nimulamanyile shiosi shiosi tawe. Ne nabahelesia tsimbulililo nende tsindolelo nende emioyo kho munyoole okhupa orio.
Koo! shibalolangakho shinga amayoni shinga kehotselesinjia hekulu weshialo? Abulawo ukatilanga halali Nyasaye. Toto mu ako khulimo nende ameeko khubandu basuubilanga.
النحل