Please wait while the requested workspace is prepared.
Mushaf reader · page 271 of 604
Read the protected Arabic beside the current Luhya translation, beneath each āyah, or as a continuous translation page.
Ne abatsokaasi baboola mbu: " Nyasaye achamanga shikhwakhalamile shiosi shiosi habundu wuwe tawe, efwe halala nohomba abapapa befu, ne shikhwakhakanilekho shiosi shiosi tawe halali ye (akane) " kho mana endi nilwabakhola balia abali imbeli wabu. Kho shikali khubarumwa halali okhusia butswa oburume mubulafu.
Ne toto khwaruma Omurumwa mubuli omukanda ababoolele mbu: "mulaame Nyasaye ne mube ehale nende shetani" mubo balimo ba Nyasaye yalunjisia, ne mubo balimo bobukori bwakhoyeshela. Kho muchende khushialo mana mulolekho indukho yabayingasi shingala yali."
Kata noli nende okhwenya muno mbu balunjikhe, (manya mbu) Nyasaye shalunjisinjia ulia owatila okhukora tawe. Ne shibalinyoola ubahabina tawe.
Nabo betsubanga khulira lia Nyasaye eshitsubo shia Amani mbu: "Nyasaye shalilamusia abafwa tawe." Khulwa shina ? ni indakano eyalachilwa khuye, halali Abandu abanji shibamanyile tawe.
Kho abenoosilie kalia akabakabukhanila, ne mbu kho abakhayi bamanye mbu bo toto ni ababeeyi.
Likhuwa liefu khushindu shia khwenya khuboolangasa mbu: "ba" , nishiba.
Ne balia bawuya shichila Nyasaye nibamalile okhukholelwa obubii, toto khwitsa okhubetsusilia khushialo obulayi, ne omurungo kwomwikulu ni omukhongo muno, bamanyangakho bayie!
Balia abefwila mana nibesikangasa Nyasaye wabu Omulesi.
