Olwakhwaruma Musa khubandu bebe,(nababoolela mbu) itsulile tsimbabaasi tsia Nyasaye tsili khwinywe. Olwa khwabahabina okhurula khubandu ba Firauni, ababahelesinjia eshinyasio eshilulu, abasinzanga abaana benyu abasiani nenibalekha abeshikhasi, toto mukano kalimwo amarechekho amakhongo okhurula khu Nyasaye wenyu.
Mushaf reader · page 256 of 604
14:6–14:10
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
(Itsulila) olwa Nyasaye wenyu yaboola mbu; “nimukhupa orio ndalabametela, ne ni muba abakhayi manye mbu eshinyasio shianje neshilulu muno.
Musa naboola mbu; “Enywe nimuba abakhayi nende biosi bili mushialo toto Nyasaye ni omuyinda owitsomibungwa muno.
Ko kashili okhuboolelakhwo amakhuwa kabalia baliho Imbeli wenyu? Abandu ba Nuhu nende Adi nende Thamud, nende balia betsa inyumawabu, abulaho ubamanyile halali Nyasaye, Abarumwa babetsela nende ebifune bili habulafu. Nibara emikhono chiabu khuminwa mana nibaboola mbu; “Toto efwe khukhayile akamwarumwa nako. Ne efwe khuli nende inganakani ikhunyasinjia mukamukhulanjilangakhwo ako.
Abarumwa Babu nibaboola mbu;”koo Mukanakanilanga Nyasaye Omulonji welikulu nende eshialo? Ye abalanganga mbu abaleshele ebionono bienyu, ne abahelesie obwiyangu okhula khubise biarebwaho” Nibaboola mbu; “ Enywe mulisa abandu shinga efwe, mwenyanga butswa okhukhwikalila nende akabapapa befu balamanga, kho murere akokhuchenyia kali habulafu”
إبراهيم