Please wait while the requested workspace is prepared.
Mushaf reader · page 240 of 604
Read the protected Arabic beside the current Luhya translation, beneath each āyah, or as a continuous translation page.
Ne enondele emilukha chia bapapa banje Ibraheem nende Is-haaq, nende Yaqub. Shikali khwifwe okhutsokasia Nyasaye nende shiosishiosi tawe, ako niko amalayi ka Nyasaye khwifwe, nende khubandu, halali abandu abanji shibakhupanga orio tawe.
“Enye ababoye bashianje (babili)! Abanyasaye abanji bakabukhananga nibo abalayi nohomba Nyasaye mulala Owamani?
Ebiamulamaanga bilali Nyasaye, Ni amera butwsa kamwaraho enywe nende bapapa benyu, Nyasaye shiyeshiakhwo eshimanyisio shiosi khwako tawe. Ne okhubusia khwosi nikhwa Nyasaye butswa, yalomesia mbu mulalaama shiosishiosi halaliye, eyo niyo idini yalunjikha. Halali abandu abanji shibamanyile tawe.
“Enywe ababoye bashianje (babili) mulala wenyu alakalukha okhunywesia omwani wuwe amalwa. Ne owundi yetsa okhwirwa abambwe, mana amayoni kalalia omurwe kukwe. Likhuwa limalile okhuburu, elia mwarebanga okhumanya.
Ne naboolela owayamanya mbu yetsa okhuhonokokha, mbu; “unzitsulile imbeli womwami wuwo” Halali shetani namukoyasia okhwitsulisia omwami wuwe. Mana niyekhala mumboye emika emibala.
Ne omwami naboola mbu; “ Esie endustsi tsing’ombe saba, tsikhomefu nitsilibwa nende tsing’ombe saba tsing’awu. Ne endutsi tsingore saba tsimbisi nende etsindi tsinyumu. Enywe abandu muhenjelekhwo amalooro kanje kano, nikali mbu enywe munyala okhukalula amalooro.
