Ne endio Nyasaye wuwo yetsa okhulobola mana akhwechesie okhukalula amalooro. Niyetsa okhwitsusilia tsimbabaasi tsiaye khwiwe, nende khulwibulo lwa Yaqub, shingala yetsusilia bapapa bao, Ibrahim nende Is-haaq. Toto Nyasaye wuwo ni Omumanyi Owamachesi muno.

Ne khu Yusufu nende abasiani babu khwaliho nende ebimanyisio khubarebii.

Olwababoola mbu; “Toto Yusufu nende Omusiani wabu bachwamwa muno nende papa wefu, okhushila efwe, ne –efwe khuli omukanda kwa amani, toto papa wefu alimubukori bwahabulafu.”

“Yiree Yusufu nohomba mumusukune eshialo shiahalee, kho obweni bwapapa wenyu bukalukhane okhuhenga enywe, Ne nimumala kano mulakalukhana okhuba abandu abalayi.

Omuboli naboola mubo mbu; “mulera Yusufu tawe, halali mumusukune khwichina mwitukho liamatsi, lirambi, yetsa okhutolwa nende ababuranjila(balikhuluchendo) toto enywe nimuli abokhukhola.

Nibaboola mbu; “Ewe papa wefu, shichila shina olakhusuubila khu Yusufu, toto efwe khumwenyela amalayi”

“Murume ninafu mutsuli, asangale nabaya nafu toto khulamuliinda”

Naboola mbu: “Toto bilasinyisia enywe okhutsia ninaye ne eritsanga Eshisutse okhumulia nanyu nimukandalile.”

Nibaboola mbu; “Eshisutse shiakhamulia shirie nafu khuli omukanda kwa amani, toto khuba khuli mubandu babula obukhala.”