Please wait while the requested workspace is prepared.
Mushaf reader · page 205 of 604
Read the protected Arabic beside the current Luhya translation, beneath each āyah, or as a continuous translation page.
Balia abasabanga eshileshelo, abakholanga imilukha chia Nyasaye, abamuwelesinjia oluyali abafunganga (saumu) abenamanga(khululwe) abaretsanga obweni bwabu hasi(khululwe) ababoolanilanga okhukhola amalayi, nende abakaninjia amabii, nende balia balindanga tsinzakho tsia Nyasaye. Kho suubisia abasuubili-(amalayi kabalindanga)
Shakhoyeshela Omurumwa nende balia abasuubila okhusabila eshileshelo abatsokaasi kata nibali abekho babu, nikakhamala okhubamanyishila mbu bo ni abandu bomumulilo.
Ne okhusaba khwa Ibraheem yasabila samwana eshilehelo khwali shichila indakano yabakhola ninaye, Ne olwa khwamuwa obulafu mbu(samwana)Ye ni omusuku wa Nyasaye, yalekhana ninaye. Ne toto Ibraheem yali owokhukalukha khu Nyasaye muno omwisumilisi.
Ne Nyasaye shiakosinjia abandu namalile okhubalunjisia tawe okhula obebaalile akabakhoyele okhuria, Nyasaye toto ni Omumanyi wabuli eshindu.
Toto Nyasaye ali nende obwani bwomwikhulu nende mushialo ahelesinjia obulamu ne afwisinjia. Ne mubula omulindi nohomba omukhoonyi owulali Nyasaye tawe.
Toto Nyasaye abalesheele Omurumwa nende muhajiruna(abawuyi) nende Answar (abahabini), balia abamulondakhwo ebise biobutinyu bilia. Ebise bie mioyo chia bandi babu chiali ahambi okhukalukhana, mana nababeela tsimbabaasi, Toto ye khubo ni Omwihotselefu muno Owetsimbabaasi.
