Ne mubabedui barulanga mumbeka mwenyu mutsingongo tsili ahambi ninanyu, khulimwo nende abeshikhabili, nende mubamenyanwa ba madina, beyibila mubushikhabili, obakorerwe ne efwe khwabamanya. Khwitsa okhubasandia mara khabili, mana balikalusibwa okhutsia okhusandibwa eshinyasio eshikhongo.

Ne abandi bafuchililila tsimbi tsiabu, batsokasia ebikhole ebilayi nende ebikhole ebibii. Awundi Nyasaye abs ario yabaleshela, toto Nyasaye ni Omukoosia Owetsimbabaasi muno.

Bukula eshihanwa mumwandu kwabu, obalafie ne obatswenule nashio, ne abalaamile, toto okhubasabila khwao khubelesinjia obuhotselefu. Ne Nyasaye ni Omuwulili Omumanyi muno.

Koo, shibamanyilekhwo mbu Nyasaye afuchililanga eshileshelo shia abandu bebe, ne abukulanga ebihanwa, ne mbu Nyasaye niwokhufuchilila obulesheli ne niwetsimbaasi?

Ne boola; “khole ebikhole, Nyasaye alalola ebikhole bienyu nende Omurumwa wuwe nende Abasuubili, mana mulikalusibwa khu mumanyi wakefisile nende akali habulafu, naye alibaboolela akamwakholanga.

Ne baliwo abandi balindilungwa okhulomesia khwa Nyasaye, awundi abahe eshinyasio nohomba abaleshele, ne Nyasaye ni Omumanyi Owamachesi muno.