Koo, shikaboolelakhwo amakhuwa kabalia bali imbeli wabu, abandu ba Nuh nende A’adi nende Thamud, nende abandu ba Ibraheem nende abandu na Madyan, nende abandu beshialo shiabu shakalukhanibwa hasi yaba hekulu? Abarumwa babu babeetsela nende ebifune bili habulafu, Ne Nyasaye shiyabakholela obubii tawe halali abeene nibobekholela obubii.

Abasuubili abasatsa nende abasuubili abakhasi ni abetsa abeene khubeene, balomesaninjia okhukhola amalayi ne bakananinjia okhukhola amabii. Na balumililanga okhulama ne bahininjia eshihanwa, ne bawulilanga Nyasaye nende Omurumwa wuwe, abo Nyasaye alabahelesia tsimbabaasi. Toto Nyasaye niwa amani Owamachesi muno.

Nyasaye yalaka abasuubili abasatsa nende abasuubili abakhasi, emikunda chiburangamwo emialo balimenyamwo tsinyanga tsiosi, nende eshimenyo eshilayi mumukunda kwa Eden. Ne obuchami bwa Nyasaye nibo obukhongo muno. Okho nikho okhubura okhukhongo.