Please wait while the requested workspace is prepared.
Mushaf reader · page 166 of 604
Read the protected Arabic beside the current Luhya translation, beneath each āyah, or as a continuous translation page.
Obulayi nibwaboolelanga baboolanga mbu; “Buno ni shichira efwe” ne obubii nibubetsela babura khu Musa nende bali ninaye. Toto obubii bubolelanga obo burula khu Nyasaye, (sichila amabii kabu) halali abaanji mubo bakorerwe.
Nibaboola mbu; “Kata nimwitsa nende eshimanyisio shiosi shiosi mbu okhuloche nasho sikhulakhusuubila tawe.
Mana nikhubarumila imbumbuyeka nende tsisiche, nende tsikhungu nende amashele nende amalasile, okhuba ebimanyisio ebia habulafu, mana nibakhola obufuru ni baba abandu ababii.
Ne eshinyasio nishakhamala okhubanyoola baboola mbu; “Ewe Musa khusabile Nyasaye wuwo khu kalia akayakhulaka. Nokhurusialiao eshinyasio shino toto khulakhusuubila ne toto khulakhwelesia abaana ba Israil otsie ninabo.
Ne ngala khubayiniliao eshinyasio, okhula ebise bindi, bafunakanga indache.
Mana nikhubarunjia nikhubayibisia munyanza shichila liyinji liabu khubimanyisio biefu, nende okhubula nabio oluchendo.
Mana nikhuchelamia- nikhuhelesa- abandu balolekhananga abateshele, ebukwe nende mumbo weshialo awakhwarayo tsikhabi. Mana likuwa lilayi lia- Nyasaye nilileng’ana khubaana ba Israil, khulwa okhwisumilisia khwabu, mana nikhusishia aka Firaun yakholanga nende abandu bebe, nende bilia ebiabombakhanga.
