Please wait while the requested workspace is prepared.
Mushaf reader · page 162 of 604
Read the protected Arabic beside the current Luhya translation, beneath each āyah, or as a continuous translation page.
Omukanda kwabakhongo mubandu baye nikuboola mbu; “ Ewe Shuaib, khwitsa okhuwuyia ewe halala nende balia bakhusuubila mulukongo lwefu, nohomba mukalukhe mumilukha chiefu. Naboola; “Koo kata nichiakhusinya”- (emilukha echo).
Toto khulaba khuchishile Nyasaye obubeyi nikhukalukha mumilukha chienyu, Nyasaye namalile okhuhonokosia nachio. Ne shikali khwifwe okhukalushila emilukha echo halali Nyasaye wefu Omulesi niyenya. Amachesi ka Nyasaye kaswana buli khushindu. Nyasaye niwakhwisikanga. Nyasaye wefu Omulesi, khwikulile, okhubusilie hakari wefu nende abandu befu khubwatoto, nawe newe omulayi muno uwababusia(wabakhalachi).
Omukanda kwabakhongo mubandu baye nikuboola; “Nimulonda amakhuwa ka Shuaib toto awo mulaba abanyoola okhusikha”
Mana omurengo kweshialo nikubabukula, mana nibubashielia mulukongo lwabu nibafumame nibali emilambo.
Balia abayingasia Shuaib nibaba shinga abalaliwo tawe. Balia abayingasia Shuaib nibo banyoola okhusikha.
Mana nabalekha naboola; “Enywe abandu banje, ndabooselia oburume bwa Nyasaye wanje Omulesi, mana nebachelela, kho ndakhabeelelala endie abandu abakhayi.
Ne shikhwaruma Omurumwa yesi yesi mulukongo halali khwatila abamenyamo khu busandi nende khu butinyu khobanyoole okhwihotselesia.
Mana khandi efwe khukalukhaninjia habundu wamabii okhuba andayi, mana nibatsilila, ne nibaboola; “Ubusandi nende omwikhoyo bianyoola bapapa befu” mana nikhubatila mapwoka nibalamanyile tawe.
