Ne nimulangwa khu swala, bakhola eshicharo nende omubayo, Endio nilwokhuba mbu ni abandu balekhonyelanga obwongo tawe.
Mushaf reader · page 118 of 604
5:58–5:64
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Boola; Enywe abandu beshitabu, koo mukhulolanga nende amakosa mbu khulwokhuba khwasuubila Nyasaye nende kalia kakhweshilibwa nende kalia akeshibwa khale, ne abanji mwinywe ni ababii(abakhaya okhulonda injila)
Boola; Koo! Ebabolelekho ulia uli nende omurungo omubii po imbeli wa Nyasaye? Nibalia aba Nyasaye yalaama mana nabasinyishila ne nakhola abandi mubo okhuba amashene nende tsimbitsi, mana nibalama shetani, Abo nibo baliba nende abundu abi nenibo abakora muno khu injila yatoto.
Ne nibabetsela(abeshikhabi) baboola mbu khwasuubila, ne nibali mbu babetsele nende obukhayi bwabu, ne barulile ninabo. Ne Nyasaye amanyile koosi akabafisanga.
Olalola abanji mubo belushilanga(okhukhola) tsimbi nende obusuku nende okhulia khwabu ebiakanwa, Toto akabakholanga ako ni amabii muno.
Shichila shina Abasomesia babu nende abasomi babu shibabakaninjiakho amakhuwa kabu ketsimbi nende okhulia khwabu ebiakanwa? Toto akabakholanga ni amabii muno.
Ne abayahudi baboola mbu “omukhono kwa Nyasaye kwefumba” Emikhono chiabu nicho chiefumba. Ne batsubwa shichila akababoola ako. Halali emikhono chia Nyasaye nemifumbule, arusinjia shingala yenya. Ne toto kalia akeshibwa khwiwe okhurula khu Nyasaye wuwo kalametela abanji mubo obusuku nende obukhayi. Ne khwabarereraho obusuku nende obuyimani hakari wabu okhula inyanga yeyindukho. Buli nibahafia omulilo kweliyie Nyasaye akusuminjia. Ne bakholanga eshinani okhurera obutobela nende isasia khushialo, Ne Nyasaye shiyachama abandu abasasinjia tawe.
المائدة