Al-Hujurat

Enywe basuubila, mularanjilila imbeli wa Nyasaye nende omurumwa wuwe tawe, ne murie Nyasaye, toto Nyasaye ni omuwulili omumanyi muno.

Enywe abasuubili mulalomaloma khumioyo chiehekulu ukhishila Omurumwa tawe, ne mulasunga naye noluyoka shinga okhulomaloma khwenyu abeene khubeene , ebikhole bienyu biabiya nimukorerwe.

Toto balia beshinjia emioyo chiabu hasi nibalomaloma nomurumwa, abo nibo ba Nyasaye yoosia emioyo chiabu khulwa okhumuria, bali nende eshileshelo nende omurungo omukhongo.

Toto balia bakhukhumanga noli munzu obunji bwabu shibaparanga tawe.

Ne besumilisinjia okhula shinga orula, bwakhabeele obulayi khubo, Ne Nyasaye nomulesheli owetsimbabaasi muno.

Enywe abasuubili, owetsimbi nabeetsela nende likhuwa, muliliinjemwo, muletsa mwaumisia abandu mukhukorwa tawe, mana mwetsa mweyitsulisia khukamukholele.

Ne manye mbu Omurumwa wa Nyasaye alimwinywe, abaloondanga, enywe mumakhuwa amanji mwakhanyakhane, halali Nyasaye yabachamisilia obusuubili, mana nabara mumioyo chienyu, ne nakhola obukhayi nende obukori nende obufuru okhubasinya, abo nibo abalunjifu.

Tsimbabaasi tsia Nyasaye nende obwokholo, ne Nyasaye ni Omumanyi muno Owamachesi po.

Ne emikanda chibili chabasuubili nichikhupana, muchikaye ne mulala nikuli mbu niko kuranjile okwashie, mukulwanie okhuula kukalushe khu malako ka Nyasaye, ne nikukalukha hasi, murere omulembe hakari wachio khubwatoto, ne muchiyaale khubuleeng'afu toto Nyasaye yachama abayaalanga khubuleeng'afu.

Toto abasuubili ni abaananda, kho murere omulembe hakari wa abana benyu, ne murie Nyasaye kho munyole tsimbabaasi.

Enywe abasuubili abasatsa balalechelesia abatsa bashiabwe tawe, banyala okhuba abalayi okhubashila, nohomba abakhasi balalechelesia abashiabwe tawe banyala okhuba abalayi okhubashila, nimulanyekana tawe, ne mulalaangana amera kokhutsalasania tawe. Ni obubii buli burie okhwikhonyela amera kokhutsalasia nimumalile okhusubila. Ne nibalekanila tawe abo nibo ababii.

Enywe abasuubila mwire ehale nende okhuparirisia, toto okhuparisia khundi ni ebiononi, ne mulakhaabane tawe, ne mulamoonyana tawe, koo omundu yakhachama okhulia inyama yowashie ufwile, ne abulaho yakhachama ne murie Nyasaye , toto Nyasaye ni Omunji wabulesheli, Owobukoosia.

Enywe abandu toto efwe khwabaloonga okhurula khumusatsa nomukhasi, nenikhubakhola amahaanga nende tsimbia, khomunyoole okhumanyana, toto uwoluyali mwinywe imbeli wa Nyasaye ni ulia owamuria muno, toto Nyasaye niye omumanyi mwene amakhuwa.

Abandu bomulung’otio (bomushitsimi- bomumasookholio) baboola mbu khwasuubila, bola mbu mushili okhusuubila, halali boole mbu khwinjile mubwisilamu, obusuubili bushili okwinjila mimioyo chienyu, ne muloonde ka Nyasaye nende omurumwa wuwe shalabalemilia shiosishiosi mubikhole bienyu tawe, toto Nyasaye nomulesheli wobukoosia muno.

Toto abasuubili nibalia basuubila Nyasaye nende Omurumwa wuwe, mana nibalaba netsinganakanai tawe, mana nibakhalabana khunjila ya Nyasaye nemiandu nende emioyo chiabu, obo nibo abatoto.

Boola mbu : " koo mwechesinjia Nyasaye idini yenyu, Ne Nyasaye yamanya bioosi bili mwikulu nende mushialo, ne Nyasaye nomumanyi wabuli eshindu."

Bakhuminanga mbu benjila mubusalamu, boola mbu: "mulaamina khulwokwinjila khwenyu mubusalamu tawe, halali Nyasaye niwabenyela amalayi, nabalunjisia khubusuubili nimuli mbu muli abatoto."

Toto Nyasaye yamanya akefisa mwikulu nende mushialo, na Nyasaye alolanga muno kamukholanga.